Back Vulkaneifel German Volcanic Eifel English Eifel volcanique French Vulkanäifel LB Vulkaaneifel Dutch Vulkaneifel Swedish

Vulkaan-Eifel

Kratermere, sogenaamde maare, is kenmerkend vir die Vulkaan-Eifel
Koolstofdioksied-gasborrels uit die binneste van 'n krater ontsnap aan die oostelike oewer van die kratermeer Laacher See

Die Vulkaan-Eifel (Duits: Vulkaneifel) is 'n bergstreek op 'n maksimale hoogte van 698,8 meter bo seevlak in die Eifel-bergreeks, 'n middelgebergte in die Duitse deelstaat Rynland-Palts wat deur vulkaniese aktiwiteit gevorm is. Hierdie aktiwiteit duur steeds voort en lei in sommige mere tot uitbarstings van vulkaniese gasse.

Kraters, lavaformasies en sogenaamde maare - mere wat ná vulkaniese uitbarstings in kraters gevorm het - getuig van die geologiese verlede van die gebied. So het die vulkaniese aktiwiteit vanaf die Tersiêr aansienlik toegeneem en het vulkane so onlangs soos 10 000 jaar gelede uitgebars. Die Vulkaan-Eifel is bo-oor 'n sogenaamde hot-spot geleë wat steeds aktief is en die landmassa in die gebied jaarliks met 1 tot 2 millimeter laat styg.

Developed by StudentB